YAJUE MAKOSA YANAYOFANYWA NA WAFUGAJI WA SAMAKI.

Wafuga  wengi wa samaki  wamekuwa wakilalamika ya kwamba mambo yamekuwa ni magumu, wakati mwingine wamekuwa wakisema ya kwamba ufagaji wa samaki hauna faida, ila ninachotaka kukwambia ni kwamba samaki wanafaida lukuki endapo utafuga katika misingi kamili ya kufuga samaki.

Baadhi ya makosa yanayofanywa nawafugaji wa samaki ni kama ifuatavyo;

1. Maandalizi yasiyo rasmi katika bwabwa la samaki.

Hili ni moja ya mapungufu au ni kosa kubwa katika shughuli ya ufugaji samaki ambao wafugaji wengi huyafanya, mfano Mzee Kuota ni mfugaji wa samaki wa samaki wa muda mrefu sana,lakini kawaida yake kila anapo maliza kuvuna samaki katika bwawa lake huyaacha yale maji ndani ya bwawa mpaka pale inapokaribia muda mwingine wa kupanda mbegu ndio hutoa maji na kuweka mengine na kuanza kupandikiza mbegu.

Madhara yake. 

Endapo maji uliyomaliza kuvulia samaki wako hukuyatoa kwa wakati ule uliomaliza kuvua, unapelekea kuendelea kuzaliana kwa wadudu wadogo wadogo hujulikana kama bakteria ambao ni hatarishi kwa samaki, madhara yake bakteria wanaweza kushambulia samaki au vifaranga vya samaki kupelekea kupata magonjwa kama vile fangasi, hivyo mfugaji huendelea kuhesabu kuwa nimepandikiza vifaranga 3000 na anaweka mategemeo ya kuvuna 3000 au 2800 pasi kujua kwamba vile vifaranga alivyopandikiza vilishakufa tangu wakiwa wadogo kwa kushambuliwa na wadudu, hivyo mfugaji hukuta mategemeo aliyoyategemea kuyapata ni tofauti, hali kama hiyo humsononesha mfugaji kwa kukata tamaa wa kuendelea na mradi pasi kujua kama alikosea wapi katika maandalizi ya awali katika bwawa    Vile vile husababisha kuoza kwa udongo hali inayopelekea harufu mbaya na endapo mkulima asipotoa ule udongo wa awali hupelekea ukuaji hafifu kwa samaki kutoka kushindwa kupata hewa safi wakati wote.

   

2. Kutofanya matengenezo ya uhakika ya bwawa la samaki.  

Baadhi ya matengenezo muhimu ni kama vile kuhakikisha kuwa kuta ziko imara,kutotoa udongo wa chini,kutochimba au kuongeza kina cha bwawa .

3. Kujaza maji kabla ya kuweka dawa ya kuuwa vijidudu katika bwawa.

Mara nyingi hushauriwa kuweka chokaa kitaalamu hujulikana kama hydrated lime,ambayo moja kwa moja huenda kuua vijidudu vidogo vidogo ambavyo ni hatarishi kwa samaki. 

4. Kutokuturubisha bwawa kwa kutumia mbolea.

Mbolea ambayo ni nzuri zaidi ya kurutubishwa bwawa kama vile ya kuku,ng’ombe,au mabaki ya mifugo  mingine,kutofanya hivi unapelekea kuwa  kutokuwa na chakula cha ziada  kwa samaki pindi chakula  cha kutengenezwa  kutokuwepo na wafugaji wengi wa samaki baada ya mavuno hutoa maji na kujaza maji  mapya bila kuweka mbolea kwa ajili ya urutubishaji wa bwawa kusaidia  kuzalishwa chakula cha asili .    

Hayo ni baadhi ya mapungufu ambayo wafugaji wengi wa samaki huyafanya pasi na kuyafahamu hali inayowapelekea kulalama na kwa kutopata faida kupitia  mradi wa ufugaji samaki.